УТРК НАРЫН: СОҢ-КӨЛДҮ БИРГЕ САКТАЙЛЫ!

Соң-Көлдүн кайталангыс жаратылышын жана канаттууларды сактоо — ар бирибиздин милдетибиз. Төлөк айылында «Соң-Көл куштарын бирге сактайлы» аттуу фестиваль өтүп, ага мектеп окуучулары жана экология тармагындагы адистер катышты. Иш-чаранын жүрүшүндө жаштар командалык таймаштарга катышып, Соң-Көлдүн өсүмдүктөрү, жаныбарлары жана канаттуулары тууралуу билимдерин сынашты. Фестивалдын максаты — жаш муундун экологиялык билимин жогорулатуу жана жаратылышка аяр мамиле жасоого үндөө.